​ການ​ແຂ່ງກິລາການທະຫານສາກົນ 2020 ນັກ​ຮົບລາວ ສາ​ມາດ​ຄວ້າ​ໄດ້​ທີ​ສອງ.

ການແຂ່ງກິລາການທະຫານສາກົນ 2020 ນັກຮົບລາວ ສາມາດຄວ້າໄດ້ທີສອງ.

ນັບວ່າເປັນເລື່ອງທີ່ໜ້າຍິນດີກັບນັກຮົບ ສປປ ລາວ ທີ່ຄວ້າອັນດັບ 2 ກິລາການທະຫານສາກົນ 2020 ຄັ້ງທີ 6 ຫລື INTERNATIONAL ARMY GAMES ທີ່ສະຫະພັນຣັດເຊຍ ໂດຍມີ 30 ກວ່າປະເທດເຂົ້າຮ່ວມໃນການແຂ່ງຂັນຄັ້ງນີ້ຢ່າງຄືກຄື້ນທີ່ນະຄອນ ຫຼວງມົສກູ, ແລະ ຜົນການແຂ່ງຂັນປະກົດວ່າອັນດັບທີ 1 ເປັນຂອງເຈົ້າພາບ ຣັດເຊຍ ແລະ ທີ 3 ເປັນຂອງ ເບລາຣຸສ.
ໃນການແຂ່ງຂັນຄັ້ງນີ້ ຈັດຂຶ້ນລະຫວ່າງວັນທີ 23 ສິງຫາ – 5 ກັນຍາ 2020, ເນືອງຈາກ ສປປ ລາວ ປີນີ້ ອີງໃສ່ຄວາມຫຍຸ້ງຍາກຈາກສະພາບ ໂຄວິດ-19 ສະນັ້ນ ໄດ້ສົ່ງນັກກິລາເຂົ້າຮ່ວມ 7 ປະເພດ ລວມຈຳນວນພົນທັງຫມົດ 84 ສະຫາຍ. ຮັບຜິດຊອບລວມໂດຍ ພັນເອກ ບຸນປອນ ລົມພະຈັນ ຫົວຫນ້າການທະຫານ ກອງພັນໃຫຍ່ ລົດຕັງ-ຍານເກາະ 661 ໃນນັ້ນ ລົດຕັງ ຈຳນວນ 21 ສະຫາຍ ແລະ ເຕັກນິກຊ່າງແສງ ຈຳນວນ 21 ສະຫາຍ ແມ່ນເອົານັກກິລາມາແຕ່ ສປປລາວ ແລະ ອີກ 5 ປະເພດ.

ສ່ວນນັກຮົບຈຳນວນພົນ 42 ສະຫາຍ ແມ່ນຕົກລົງເອົານັກຮຽນທີ່ກຳລັງສຶກສາວິຊາສະເພາະການທະຫານຢູ່ ຣັດເຊຍ ເປັນຕົວແທນເຂົ້າຮ່ວມ.ລາຍລະອຽດແຕ່ລະທີມມີຄື: ທີມເຫລົ່າຮົບ ລົດຕັງ-ຍານເກາະ 21 ສະຫາຍ ນຳໂດຍ ພັອ ບຸນປອນ ລົມພະຈັນ ຫົວຫນ້າການທະຫານກອງພັນໃຫຍ່ ລົດຕັງ-ຍານເກາະ 661 ເປັນຫົວຫນ້າ ທັງຊີ້ນຳລວມ; ທີມ ເຕັກນິກຊ່າງແສງ ເຫລົ່າຮົບຊ່າງແສງ 21 ສະຫາຍ ນຳໂດຍ ພັນເອກ ບຸນສົດ ອິນສິນາ ຮອງຫົວຫນ້າກົມ ຊ່າງແສງ ກົມໃຫຍ່ເສນາທິການ ເປັນຫົວຫນ້າທີມ.
ນັກຮົບລາວ ຕິດອັນດັບ 2 ໃນການແຂ່ງກິລາການທະຫານສາກົນ 2020.

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido.