ຂວງ ແລະ ຄວງ ສອງຄໍານີ້ໃຊ້ແນວໃດ? ຄວາມໝາຍຄືກັນ ຫຼື ຕ່າງກັນ?
ຂວງ ແລະ ຄວງ ສອງຄໍານີ້ໃຊ້ແນວໃດ? ຄວາມໝາຍຄືກັນ ຫຼື ຕ່າງກັນ?
ຍ້ອນຄວາມອຸດົມສົມບູນຂອງພາສາລາວ ທີ່ມີຫຼາຍຄໍາສັບຂຽນຕ່າງກັນ, ອ່ານຕ່າງກັນ ແຕ່ຄວາມໝາຍຄືກັນສາມາດໃຊ້ແທນກັນໄດ້ ແລະ ມີຫຼາຍຄໍາທີ່ອ່ານຄ້າຍຄືກັນ, ຂຽນຄ້າຍຄືກັນ ແຕ່ມີຄວາມໝາຍແຕກຕ່າງກັນໃຊ້ແທນກັນບໍ່ໄດ້ ຖ້າໃຊ້ບໍ່ຖືກ ຄວາມໝາຍກໍ່ປ່ຽນ ແລະ ຫຼາຍຄັ້ງເຮົາກໍ່ມັກເຫັນການໃຊ້ຄໍາສັບທີ່ບໍ່ຖືກຕ້ອງໃນບົດຂຽນຕ່າງໆ.
ດ້ວຍເຫດນັ້ນ ເຮົາຈຶ່ງນໍາເອົາບົດຄວາມທີ່ເປັນການອະທິບາຍຄວາມໝາຍສັບໃນພາສາລາວມາແບ່ງປັນກັບໝູ່ເພື່ອນ ເພື່ອຮຽນຮູ້ພາສາລາວໄປນໍາກັນ, ເຊິ່ງຕອນນີ້ເຮົາຈະມາເວົ້າກ່ຽວກັບຄວາມໝາຍຂອງຄໍາວ່າ ຂວງ ແລະ ຄວງ, ຟັງແບບຜິວເຜີນ ສອງຄໍານີ້ອອກສຽງຄ້າຍຄືກັນ, ແຕ່ໃນຄວາມເປັນຈິງແລ້ວ ມັນມີຄວາມໝາຍທີ່ແຕກຕ່າງກັນ. ມັນແຕກຕ່າງກັນຄືແນວໃດ ເຮົາມາຮຽນຮູ້ໄປນໍາກັນ.
DooDiDo
ອີງຕາມຂໍ້ມູນຈາກວັດຈະນານຸກົມພາສາລາວ ສະບັບທີ່ ຄົ້ນຄວ້າ ແລະ ຮຽບຮຽງ ໂດຍ ທອງຄຳ ອ່ອນມະນີສອນ, ໄດ້ອະທິບາຍຄວາມໝາຍສອງຄໍາສັບດັ່ງກ່າວ ໄວ້ດັ່ງນີ້:
ຄຳວ່າ ຂວງ.
ເປັນທັງຄໍານາມ ແລະ ຄໍາຄຸນນາມ.
ຂວງ (ຄຳນາມ) ເປັນຊື່ຜັກແນວໜຶ່ງເກີດຂຶ້ນປູໄປຕາມພື້ນດິນ ເອີ້ນວ່າ ຜັກຂວງ, ຜັກຂວງຂົມ ຫຼື ຜັກດາງຂົມ.
ຂວງ (ຄໍາຄຸນນາມ) ໝາຍເຖິງ ບໍ່ຈະເລີນ, ຈັງໄຮ, ສິ່ງທີ່ນຳຄວາມຈິບຫາຍມາໃຫ້ເອີ້ນວ່າ: ຂວງ, ເຂັດຂວງ.
ຕົວຢ່າງ:
ບໍ່ຊ່ວຍທໍາມາຫາກິນ ແລ້ວຍັງເຜົາຜານເງິນພໍ່ແມ່ອີກ, ຈັ່ງແມ່ນຂວງແທ້ໆ.
ພວກສໍ້ລາດບັງຫຼວງຈັ່ງແມ່ນຂວງຕໍ່ການພັດທະນາປະເທດຊາດ.
ຄຳວ່າ ຄວງ.
ເປັນທັງຄໍານາມ, ຄໍາມະ ແລະ ຄໍາຄຸນນາມ.
ຖ້າເປັນຄຳນາມ ຄວງ ແມ່ນເຫຼັກ ຫຼື ໄມ້ມີກຽວຫັນໄດ້ ໃຊ້ສຳລັບເຈາະໄມ້ ເອີ້ນວ່າ: ເຫຼັກໄຂຄວງ.
ຖ້າເປັນຄຳຄຸນນາມ ຄວງ ໝາຍເຖິງ ສະຫວ່າງ, ແຈ້ງ (ຕາເວັນຄວງ), ສຽງກ້ອງ, ກ້ອງສະໜັ່ນ.
ຂວງ ແລະ ຄວງ ມີຄວາມໝາຍຄືກັນ ແລະ ຕ່າງກັນແນວໃດ?
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido.
