ບຸນຊ່ວງເຮືອທ່າວັດຈັນຈັດພາຍໃຕ້ເງືອນໄຂຂໍ້ກຳນົດຈ່ຳນວນໜຶ່ງ.

ບຸນຊ່ວງເຮືອທ່າວັດຈັນຈັດພາຍໃຕ້ເງືອນໄຂຂໍ້ກຳນົດຈ່ຳນວນໜຶ່ງ.

    ເພື່ອຮັກສາ ແລະ ສົ່ງເສີມຮີ່ຄອງປະເພນີອັນດີງາມຂອງລາວເຮົາກໍຄືວຽງຈັນທີ່ສືບຖອດກັນມາແຕ່ສະໄໝປູ່ຍາຕາຍາຍກ່ຽວກັບງານບຸນປະເພນີຊ່ວງເຮືອທ່າວັດຈັນເພື່ອໃຫ້ຊາວລາວຍັງມີໄວ້ປະຕິບັດກັນຕໍ່ໄປ ແລະ ອັນເນືອງຈາກສະພາບປະຈຸບັນການລະບາດຂອງໂຄວິດຍັງຄົງຕ້ອງໄດ້ລະມັດລະວັງກັນຢູ່ສະນັ້ນການຈັດງານຄັ້ງນີ້ຕ້ອງເປັນໄປດ້ວຍຄວາມລະມັດລະວັງ.  ຕາມຂ່າວໃຫ້ຮູ້ວ່າງານບຸນຊ່ວງເຮືອທ່າວັດຈັນປີນີ້ ຈະບໍ່ໄດ້ຈັດໃຫຍ່ຄືປີທີ່ຜ່ານມາ ເນື່ອງຈາກວ່າມີສະພາບການແຜ່ລະບາດຂອງພະຍາດໂຄວິດ 19 ເຮັດໃຫ້ມີພື້ນທີ່ການຈັດງານບຸນ, ການຂາຍຜະລິດຕະພັນຕ່າງໆໃຫ້ກະທັດຮັດທີ່ສຸດ ຊຶ່ງຈະໄດ້ກຳນົດຂາຍພາຍໃນຂອບເຂດສວນເຈົ້າອານຸວົງ ແລະ ຂອບເຂດນອກຈຳນວນໜຶ່ງ. ສ່ວນງານການແຂ່ງຂັນເຮືອຊ່ວງນັ້ນ ຈະມີເຮືອພຽງແຕ່ 10 ລຳໃນການແຂ່ງຂັນ, ແລະ ແຕ່ລະລຳກຳນົດໃຫ້ມີພຽງແຕ່ 12 ສີພາຍເທົ່ານັ້ນ.

    ທ່ານ ບຸນໜາ ຜາທຸມມະວົງ ເຈົ້າເມືອງຈັນທະບູລີ ທັງເປັນປະທານຈັດງານບຸນອອກພັນສາ ປະວໍລະນາ ປະຈຳປີ 2020 ທີ່ທ່າວັດຈັນ ໄດ້ຈັດພິທີຖະແຫຼງຂ່າວ ຕໍ່ສື່ມວນຊົນລາວ ໃນວັນທີ 22 ກັນຍາ ນີ້ວ່າ:    ກ່ຽວກັບການຈັດງານບຸນສະເຫຼີມສະຫຼອງງານບຸນອອກພັນສາ ປະວໍລະນາ ປະຈຳປີ 2020 ທີ່ທ່າວັດຈັນປີນີ້ ຈະໄດ້ຈັດຂຶ້ນລະຫວ່າງວັນທີ 1-3 ຕຸລາ 2020 ທີ່ຈະມາເຖິງນີ້ ເພື່ອເປັນການຮັກສາ ແລະ ເສີມຂະຫຍາຍງານບຸນປະເພນີ ທີ່ເຄີຍສືບທອດກັນມາແຕ່ບູຮານນະການ ໃຫ້ດຳລົງຄົງຢູ່ນຳຊາວລາວຕະຫຼອດໄປ.
ທ່ານ ບຸນໜາ ຍັງໄດ້ກ່າວຕື່ມອີກວ່າ: ນອກຈາກຈະເປັນການສະເຫຼີມສະຫຼອງບຸນອອກພັນສາປະວໍລະນາແລ້ວ ຍັງເປັນການສົ່ງເສີມໂຄສະນາວາງສະແດງຈຳໜ່າຍສິນຄ້າ ເພື່ອເຮັດໃຫ້ຜະລິດຕະພັນ ສິນຄ້າພາຍໃນ ໃຫ້ນັບມື້ເຕີບໃຫຍ່ຂະຫຍາຍຕົວຢ່າງກວ້າງຂວາງ ແລະ ມີໂອກາດເສີມຂະຫຍາຍທ່າແຮງບົ່ມຊ້ອນຂອງສິນຄ້າດັ່ງກ່າວ ເພື່ອໃຫ້ປະຊາຊົນລາວບັນດາເຜົ່າ ທີ່ມາທ່ຽວງານໄດ້ຊຶື້ – ໄດ້ຂາຍ ທັງແລກປ່ຽນຜະລິດຕະພັນພາຍໃນ ແລະ ເປັນການສົ່ງເສີມການທ່ອງທ່ຽວພາຍໃນ ຫຼື ລາວທ່ຽວລາວ.
ໄດ້ເຮ! ບຸນຊ່ວງເຮືອທ່າວັດຈັນຈັດໄດ້ພ້ອມຂໍ້ກຳນົດເງືອນໄຂ

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido.