ສຳລັບຜູ້ທີ່ຈະເດີນທາງເຂົ້າມາ ລາວ ຕ້ອງປະຕິບັດຕາມແຈ້ງການ 4 ຂໍ້ຢ່າງເຂັ້ມງວດ

ແຈ້ງການ 4 ຂໍ້ ສຳລັບຜູ້ທີ່ຈະເດີນທາງເຂົ້າມາ ລາວ

ເນື່ອງຈາກຄວາມສ່ຽງໃນການລະບາດຂອງພະຍາດ Covid-19 ຫ້ອງວ່າການສຳນັກງານນາຍົກລັດຖະມົນຕີຈື່ງອອກແຈ້ງການເລກທີ 507/ຫສນຍ, ລົງວັນທີ 24 ເມສາ 2020.ເລື່ອງການກະກຽມສູນກັກກັນຕົວຜູ້ຈະເດີນທາງເຂົ້າມາ ສປປ ລາວ ຈາກຕ່າງປະເທດຢູ່ນະຄອນຫຼວງວຽງຈັນ ແລະ ບັນດາແຂວງທົ່ວປະເທດ.ແຈ້ງການມີທັງໝົດ 4 ຂໍ້.

ໃຫ້ນະຄອນຫຼວງວຽງຈັນ ແລະ ບັນດາແຂວງຮີບຮ້ອນກະກຽມສະຖານທີ່ກັກກັນຕົວຜູ້ທີ່ເດີນທາງມາຈາກຕ່າງປະເທດ ແລະ ຜູ້ສຳຜັດໃກ້ຊິດກັບຜູ້ຕິດເຊື້ອ ໂດຍສອດຄ່ອງກັບເງື່ອນໄຂ ແລະ ມາດຕະຖານຂອງສະຖານທີ່ກັກກັນຕົວທີ່ຄະນະສະເພາະກິດວາງອອກ.ສໍາລັບງົບປະມານໃຊ້ຈ່າຍໃນການກະກຽມສະຖານທີ່ ແລະ ຮັບຮອງຜູ້ທີ່ຖືກກັກກັນ (ກິນ, ຢູ່, ພັກ-ເຊົາ ) ແມ່ນໃຫ້ນະຄອນຫຼວງວຽງຈັນ ແລະ ບັນດາແຂວງເປັນຜູ້ຮັບຜິດຊອບ.ສຳລັບສະຖານທີ່ກັກກັນຕົວຢູ່ນະຄອນຫຼວງວຽງຈັນ ແລະ ແຂວງຈຳປາສັກ ຖືກກຳນົດໃຫ້ເປັນບ່ອນທີ່ຮັບເອົາຜູ້ໄດ້ຮັບອະນຸຍາດເດີນທາງມາຈາກຕ່າງປະເທດ ເພື່ອກວດຫາເຊື້ອພະຍາດກ່ອນ.ຖ້າຜົນບວກ (ມີເຊື້ອພະຍາດ) ໃຫ້ສົ່ງເຂົ້າໂຮງໝໍ ເພື່ອຮັບການປີ່ນປົວ. ຖ້າຜົນກວດເປັນລົບ (ບໍ່ມີເຊື້ອພະຍາດ) ໃຫ້ສືບຕໍ່ກັກກັນຕົວ ແລະ ຕິດຕາມອາການຈົນຄົບ 14 ວັນ.ສໍາລັບຢູ່ນະຄອນຫຼວງວຽງຈັນ ແລະ ແຂວງຈຳປາສັກ. ສ່ວນຜູ້ທີ່ຢູ່ແຂວງອື່ນໃຫ້ຈັດສົ່ງໄປສືບຕໍ່ກັກກັນຕົວ 14 ວັນ ຢູ່ສະຖານທີ່ກັກກັນຕົວຢູ່ແຂວງທີ່ກ່ຽວຂ້ອງ; ຫ້າມເດັດຂາດບໍ່ໃຫ້ກັກກັນຕົວຢູ່ເຮືອນ.
ແຈ້ງການ 4 ຂໍ້ ສຳລັບຜູ້ທີ່ຈະເດີນທາງເຂົ້າມາ ລາວ ຕ້ອງຮູ້

ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido