ອະທິບາຍພາສາລາວ ຄຳວ່າ ສະ ແລະ ຊະ ມີຄວາມໝາຍແນວໃດ?
ອະທິບາຍພາສາລາວ ຄຳວ່າ ສະ ແລະ ຊະ ມີຄວາມໝາຍແນວໃດ?
ຍ້ອນຄວາມຫຼາກຫຼາຍຂອງວິທີການນໍາໃຊ້ພາສາ ບາງເທື່ອກໍ່ເຮັດໃຫ້ສັບສົນທັງວິທີການຂຽນ, ການເວົ້າ ແລະ ການແປຄວາມໝາຍ ເພາະບາງຄໍາສັບກໍ່ສາມາດແປໄດ້ຫຼາຍຄວາມໝາຍ ຈົນເຮັດໃຫ້ຈໍາແນກບໍ່ໄດ້ວ່າຄວນໃຊ້ຄໍາໃດຈຶ່ງຈະຖືກຕ້ອງ ພ້ອມດຽວກັນນັ້ນ ມັນກໍ່ມີຫລາຍໆຄຳທີ່ອອກສຽງຄ້າຍຄືກັນ ລວມທັງຄວາມໝາຍກໍໃກ້ຄຽງກັນ ແລະ ເວລານຳໄປໃຊ້ ສໍານຽງສຽງເວົ້າກໍ່ແຕກຕ່າງກັນໄປ ຂື້ນກັບຄົນຢູ່ແຕ່ລະເຂດ, ແຂວງ ແລະ ແຕ່ລະພາກຂອງປະເທດລາວ.
DooDiDo
ບົດຄວາມນີ້ ເຮົາຈະມາເວົ້າເຖິງຄວາມໝາຍຂອງຄໍາສັບພາສາລາວກໍ່ຄືຄໍາວ່າ ສະ ແລະ ຊະ ສອງຄໍານີ້ສະກົດຄືກັນ ແຕ່ມີຄວາມໝາຍຕ່າງກັນ. ເພື່ອທໍາຄວາມເຂົ້າໃຈຢ່າງເລິກເຊິ່ງກ່ຽວກັບສອງຄໍານີ້ ຂໍອ້າງອີງຕາມຂໍ້ມູນຈາກວັດຈະນານຸກົມພາສາລາວ ຄົ້ນຄວ້າ ແລະ ຮຽບຮຽງ ໂດຍ ທອງຄຳ ອ່ອນມະນີສອນ, ເຊິ່ງເພິ່ນໄດ້ອະທິບາຍຄວາມໝາຍສອງຄໍາສັບດັ່ງກ່າວ ໄວ້ດັ່ງນີ້:
ຄຳວ່າ ສະ.
ເປັນທັງຄໍາກໍາມະ ແລະ ຄໍານາມ.
ຄໍາກໍາມະ
1. ໝາຍເຖິງຫວິດນໍ້າ, ຕັກນໍ້າອອກແຕ່ບ່ອນໃດບ່ອນໜຶ່ງໃຫ້ບົກແຫ້ງ ດັ່ງເຊັ່ນ ສະປາ.
ຕົວຢ່າງ:
ມື້ຄືນນີ້ຝົນຕົກໜັກເຮັດໃຫ້ນໍ້າຖ້ວມເຂົ້າຮອດໃນເຮືອນ, ຂ້ອຍກັບແມ່ສະນໍ້າອອກໝົດຄືນຈົນບໍ່ໄດ້ນອນ.
2. ໝາຍເຖິງຊໍາລະ, ລ້າງໃຫ້ສະອາດ.
ຕົວຢ່າງ:
ຂ້ອຍໄດ້ຍິນເຂົາເວົ້າວ່າການສະຜົມເຮັດໃຫ້ຜົມຍາວໄວ, ສະນັ້ນຂ້ອຍຈຶ່ງສະຜົມຂອງຂ້ອຍທຸກມື້.
3. ໝາຍເຖິງຍົກໃຫ້, ທານ,ສະຫຼະ, ປະວາງ, ບໍ່ຫວງແຫນ.
ມື້ນີ້ຂ້ອຍໄດ້ຮັບບັດເຂົ້າຊົມໜັງຟຣີ ແຕ່ວ່າຂ້ອຍພັດຄາວຽກບໍ່ສາມາດໄປເບິ່ງໄດ້ ຈຶ່ງຈໍາເປັນຕ້ອງໄດ້ສະຫຼະສິດ.
ຄຳວ່າ ສະ ແລະ ຊະ ມີຄວາມໝາຍໃນພາສາລາວແນວໃດ?
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
