ເສັ້ນທາງລົດໄຟລາວ-ຈີນ ຕ້ອງການພະນັກງານຈ່ຳນວນຫລາຍຄົນ.
ບໍລິສັດລົດໄຟລາວ-ຈີນ ຕ້ອງການພະນັກງານລາວປະມານ 700 ຄົນ.
ຕາມການລາຍງານຂອງໜັງສື່ພິມວຽງຈັນທາມໃຫ້ຮູ້ວ່າ ບໍລິສັດທາງລົດໄຟລາວ-ຈີນຕ້ອງ ການພະນັກງານໃນລະຫວ່າງ 600 ຫາ 700 ກວ່າຄົນ ອັນນີ້ນັບວ່າ ເປັນຂ່າວດີສໍາລັກນັກຮຽນ ນັກສຶກສາລາວທີ່ຮຽນຈົບ ແລະ ບໍ່ທັນມີວຽກເຮັດ ຫຼື ຫລາຍໆຄົນທີ່ກໍາລັງຊອກ ວຽກເຮັດງານທໍາຢູ່, ຫາກສົນໃຈຮ່ວມງານກັບເສັ້ນທາງລົດໄຟລາວຈີນກໍ່ຮີບຟ້າວກຽມເອກະສານ ແລະ ສອບຖາມຂໍ້ມູນເລີຍ.
ຫຼັງຈາກທີ່ ບໍລິສັດທາງລົດໄຟລາວ-ຈີນ ໄດ້ປະກາດຮັບສະ ໜັກພະນັກງານຈໍານວນຫຼາຍຄື ແນວນີ້, ການຮັບສະໜັກພະນັກງານດັ່ງກ່າວອາດຈະຕ້ອງມີໄດ້ຈັດແຈງຢ່າງລະອຽດແດ່ ແລະ ທາງບໍລິສັດໄດ້ແຈ້ງມາວ່າ ການຮັບສະໝັກຈະໄດ້ແບ່ງອອກເປັນ 3 ໄລຍະຄື ໄລຍະທີ່ 1 ແມ່ນຈະຮັບເອົາ ປະມານ 300 ຄົນ ໂດຍເຮັດວຽກຢູ່ ໃນ 4 ຕໍາແໜ່ງງານຄື: ຄົນຂັບລົດໄຟ, ຜູ້ຄຸມການເດີນ ລົດໄຟ, ຊ່າງສ້ອມແປງຫົວຈັກ ລົດໄຟ ແລະ ຊ່າງສ້ອມແປງສິ່ງຕິດ ຕັ້ງພື້ນຖານໂຄງລ່າງ.
ພາບ: Xinhua News
ສະເພາະໄລຍະເວລາທີ່ຈະເປີດຮັບສະໝັກພະນັກງານໄລຍະທີ 2 ແລະ 3 ຍັງບໍ່ທັນມີໄລຍະເວລາ ຫຼື ລາຍລະອຽດທີ່ສັດເຈນ.
ທ່ານໃດສົນໃຈຢາກໄປເຮັດວຽກຢູ່ ນໍາໂຄງການທາງລົດໄຟ ລາວ-ຈີນສາມາດໄປເອົາແບບຟອມ ຢູ່ບໍລິສັດທາງລົດໄຟລາວ-ຈີນຈໍກັດ ຢູ່ ທີ່ຕຶກວຽງຈັນເຊັນເຕີ ຊັ້ນ 06. ສາມາດສົ່ງປະຫວັດຫຍໍ້ ແລະ ຂໍ້ມູນສ່ວນໂຕ ໄປທີ່ເວັບໄຊ www.lcrc.ltd ຫຼື hr@lcrc.ltd ຫຼື ສາມາດຕິດຕໍ່ໂດຍກົງກັບບໍລິສັດ ທາງລົດໄຟລາວ-ຈີນຈໍກັດ.
ເສັ້ນທາງລົດໄຟລາວ-ຈີນ ຕ້ອງການພະນັກງານລາວເກືອບ700 ຄົນ
ຕິດຕາມຂ່າວການເຄືອນໄຫວທັນເຫດການ ເລື່ອງທຸລະກິດ ແລະ ເຫດການຕ່າງໆ ທີ່ໜ້າສົນໃຈໃນລາວໄດ້ທີ່ Facebook Doodido
